الأهـل .. بين تدمير و تهيئه الاجيال !

[ندعوك للتسجيل في المنتدى أو التعريف بنفسك لمعاينة هذه الصورة]
ورحـمه الله و بركا TOO

×× الاهالى ××

هما جزء كبير جدا من إعداد اجيال المستقبل

الاهل الى تربيتهم و فكرهم و اسلوبهم

بينعكس تماما ع اولادهم و بناتهم

الى عليهم دور كبير و عظيم جدا

يغفل نسبه كبيره منهم عنه

وبينطبق عليهم جمله الى

خلفوا و رموا عيالهم ...

مش لازم رموهم ف الشارع و شردوهم

ممكن رموهم و هما ف بيت واحد كلهم

رموهم نفسيا و اجتماعيا

مفكروش يحتووهم و يهيئوهم صح

و برده ف منهم الى رموهم ف الشارع

[ندعوك للتسجيل في المنتدى أو التعريف بنفسك لمعاينة هذه الصورة]

عاوز اتكلم ف كذا نقطه

بس اولهم هتبقى خاصه بالبنات ...

البنت الى تكبر و تدخل سن المراهقه

الى هو من بدايه ال 15 حتى ال 21

البنت بتمر بيها تغيرات كتيره ف الفتره دى

ف امهات بتقعد مع البنت

وبتعتبرها كبيره و بتفهمها حاجات

عن طبيعه كونها هتبقى امرأه ناضجه

عن طبيعه التغيرات الى بتحصللها دى

بتوصللها المعلومه بدون كسوف او احراج

بتتعامل معاها اكنها اختها و تحتويها

تخلى البنت فاهمه و عارفه كل حاجه

الامهات دول قليلين و يمكن نادرين ...

[ندعوك للتسجيل في المنتدى أو التعريف بنفسك لمعاينة هذه الصورة]

امهات تانيه البنت تكبر و تدخل ف مرحله مراهقه

وهما ولا ف الدماغ

البنت تتعرض لدنيا برا مختلفه

جسمها شكله يتغير و يتطور

تحصللها تغيرات كتير

وهما بيعاملوها ع انها طفله

وساعه ما بيحصل ليهم دايما الى بيحصل ...

الام مبتعرفهاش إيه الى بيتم إلا اول مره و بس

بعدها يخيم الصمت ع المكان و اتصرفى انتى

مفيش اى معلومات بتديهالها

مفيش اى توعيه ولا احتواء

لا مبالاه رهيبه و غباء كبير جدا

ودا غالبا بيكون اسبابه

( الام بتنكثف )

ع اساس انها متجوزتش و خلاص يعنى

او ( لسه فاكره البنت صغيره )

ودا فكر عقيم جدا لمعظم الاهالى

وتحت شعار واحد كلهم حافظينه

حتى لما تتجوزى و تخلفى هتفضلى ف نظرى عيله !

جميل اوى الكلام دا

بس عيله ف عطائك الحنيه ليها و احتوائها

مش عيله ف تجاهلها و معاملتها كالاطفال !!

[ندعوك للتسجيل في المنتدى أو التعريف بنفسك لمعاينة هذه الصورة]

الكلام دا نتايجه بتكون سلبيه جدا

البنت مش عارف اى حاجه ف اى حاجه

طبعا بنشوف كتير بنات خائفه من شئ ما Smile

إنضحك عليها و إستدرجها حد

وهى اه غلطانه

بس برده مش فاهمه الموقف ككل و مكنتش مدركه

انها لو عملت كدا هيحصللها شئ تندم عليه

و برده ساعات بنلاقى ناس عايشه حياتها

اما تتجوز بطريقه غلط

ومش عاوز افسر النقطه دى ....

وحتى قبل الجواز بنلاقى بنات بتلجأ لطرق

عشان يطلعوا فيها الكبت الى جواهم

برده غلط و بتدمر حاجات كتير حلوه

يعنى مشاكل كتير اووووووى

ونرجع نقول سببها ... الاهل

[ندعوك للتسجيل في المنتدى أو التعريف بنفسك لمعاينة هذه الصورة]

جزئيه تانيه خاصه بالشباب

برده الشاب ف سن المراهقه

مرحله الثانوى تقريبا ...

الولد تلاقيه لسه بيدرس و متفوق ف دراسته

الحمد لله مفيش احسن من كدا

ييجى الاب يجبره انه ينذل يشتغل و يصرف ع نفسه !

الولد بيرجع من مدرسته وبيبقى اودامه يوم طويل

مينفعش تقعد ف البيت يا بيه

انذل اشتغل و اصرف ع نفسك

احنا صرفنا عليك من و انت لسه بيبى

يلا انت عاله علينا

انت و انت و انت

وكلام يخلى الحجر ينطق من الظلم

طبعا الولد لسه بيدرس

بدل ما يقفوا جمبه

ويراعوا انه مجتهد ف دراسته

او مفيهوش عيوب و مش فاشل ذى الشباب

لا يضغطوا عليه و يخنقوه

ومش هتقعد ف البيت لو مشتغلتش

انت مش بنت و هنصرف عليك

مع ان الحال متيسر و الحمد لله

لكن ليه التفكير العقيم الى عندهم ميشتغلش

الا و هو ( لازم يشتغل عشان يبقى راجل )

وبكدا بقى بضفاير و هو بيدرس

والشغل هو الى بيصنع الرجال

ميعرفوش ان صاحب رساله من اعظم الرسالات

الى خارج ف سبيل العلم

المهم الولد مجبر ولا حول ولا قوه

يخرج يشتغل بملاليم عشان يصرف ع نفسه

يتهان و يتمرمط بدرى بدرى و هو لسه بيدرس

ميعرفش يركز ف دراسته

ولا حتى يتمتع بحياه ذى بقيه اصحابه

يفقد حلاوه مرحله من اجمل المراحل ف عمر الواحد

يسقط سنه ورا التانيه

من الضغط عليه و مش عارف يروح مدرسته

ويوفق بينها وبين الشغل

شيلوه الهم بدرى بدرى

يلاقوه سقط يصدروا احكاما عسكريه

بمنعه من دخول البيت

طب و هيروح فين المسكين !!!

يتلطم ف الشوارع هنا و هنا

ياخد سيجاره من دا و دا يغريه يشم مش عارف ايه

دا يقوله تعالى هنسرق مش عارف إيه

وفجأه ف يوم ...

إتقبض عليه و هو بيبيع حشيش !!!

دخل الاحداث !!!

التلميذ المجتهد الى بيطلع الاول دايما ع المدرسه

نهايته بقت ف الاحداث !!!

وكل دا ليه !

بسبب .. الاهل

[ندعوك للتسجيل في المنتدى أو التعريف بنفسك لمعاينة هذه الصورة]

المشاكل كتير اوووى و الكلام اكتر

بس جيبت المثالين دول للعرض ...

حابب اقول لاى اب او ام

مش اد الخلفه و تربيه بجد ذى ما قال ربنا

وذى ما ديننا قاللنا

ولو انتوا يهود .. ذى ما ادميتنا قالتلنا

لو مش هتقدروا تحافظوا ع اولادكم

لو مش هتقدروا تنشئوهم نشأه كويسه

تربوهم و تعيشوهم حياه كريمه

يبقى متخلفوش احسن

وإكتفوا بالزواج فقط

ويوجد وسائل كثيره لمنع الحمل ...

عشان متجيبوش عيل يدعى عليكم

حسبى الله و نعم الوكيل ف اى اب و ام ظالمين

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ المعروف

صدق الله العظيم

[ندعوك للتسجيل في المنتدى أو التعريف بنفسك لمعاينة هذه الصورة]

رأيكم إيه ف الكلام دا ؟

تقولوا إيه للأهالى دول ؟

هل لما تبقى أم او تبقى أب هتعمل كدا ؟